Banknordik aamma Katuaq kulturimik sammisat tapersersornissaat siunertaralugu ukiuni pingasuni atuuttussamik aningaasaliinissaq atsioqatigiissutigaat. Isumaqatigiissut aqqutigalugu BankNordikip Nuummi Kalaallit Nunaatalu sinnerani kulturikkut sammisassat tapersersornissaat kissaatigai.
BankNordikip inuussutissarsiornermut pisortaa Thomas ”Tyt” Mogensen tapersersuineq pillugu ima oqarpoq:
Isumaqatigiissutip nutarterneratigut BankNordikip Kalaallit Nunaanni kulturip nukittorsarnissaa kiisalu sammisat Kalaallit Nunaanni siammarnissaat kissaatigai. Taamatut inuiaqatigiinni ineriartornermut ilapittuutaasinnaagatta nuannaarutigaarput.
Katuap pisortaa Julia Pars oqarpoq:
Katuap BankNordikip kulturikkut sammisanik tapersersuinissamik kissaateqarnera nuannaarutigaarput. Inuussutissarsiortut kulturimik tapersersuinerat uagutsinnut pingaaruteqarpoq. Katuaq 2017-imi 20-nik ukioqalerpoq, tamannalu inunnik qaaqqusilluta ullormi inuuissiorfimmi 15. Februaarimi nalliuttorsiutigivarput, isiginnaartitsinerit marluk illoqarfinni assigiinngitsuni qulini angalanertigut, tusarnaartitsinerit arlallit kiisalu Katuaq pillugu atuakkamik saqqummersitsinikkut.Tapersersuinerup 2018-imi kulturikkut aaqqissuussinernut atornissaanut qilanaarpugut.