KALAALLIT NUNAANNI AMMIT OQALUTTUARNERAT
Kalaallit Nunaanni Ammit Oqaluttuarnerat” Katuami saqqummersitsineruvoq assilisanik suliniutaasoq, ammit nappaataanik aammalu inunnik ammit nappaataanik atugaqartunik eqqumaffigineqarnerulernissaanik siunertaqartoq.
Ammit nappaataanik atugaqarneq inuit inuulluataarniarnerannut imminullu isiginnittariaatsimut annertuumik eqquisarpoq. Ammit nappaataanik atugaqartut amerlanerit amerluut timikkut ersiutitut atugariinnarneq ajorpaat, tarnikkulli aammalu inuiaqatigiinni inooqataaniarnermi eqquisarpoq, soorlu imminut naleqartinnginnermik, immikkoortitaasutut misiginermik aammalu sammisassaqartitsisoqartillugu peqataarusunnginnermik eqquisarpoq. Kalaallit Nunaanni peqqinnissaqarfimmi saaffiginnittut tamarmik iluanni ammit nappaataanik atugaqartut saaffiginnittut 20%-iupput, taassumap ersersippaa peqqinnissaqarfimmi inuiaqatigiinnilu ammit nappaataanik ilisimasaqarluarnissaq pingaaruteqartoq.
Paninnguaq Boassen aamma Mathilde Tuborg suliniummik isumassarsillutillu pilersitsisuupput. Suliniut kalaallinik peqataaffigineqarpoq, assillu kalaalinngorsarpalaarlugit suliaapput. Peqataasut tamarmik nammineq oqaluttuatik siammarterusullugit peqataapput. Oqaluttuat tamarmik immikkuullarissuseqarput, ataatsikkulli paasineqarnerulernissamik, inuttullu tamakkiisumik takuneqarnissaq kissaatigineqarpoq.
Kalaallit Nunaanni Ammit Oqaluttuarnerat Kalaallit Nunaanni ammit nappaataanik ilisimasaqarluarnerulernissaq, paasinninnerunissaq, ammaffigineqarnerulernissaanillu siunertaqarpoq, taamaalillutillu inuit ammit nappaataannik atugaqartut immikkoortinneqartutut misiginnginnissaat anguniarneqaroq.
