Kalak takutinneqaqqaarnera

Kim Leinep atuakkiaa siullerpaaq imminut pilluni allaatigisaq tunngavigalugu “Kalak” filmiliarineqarpoq, svenskeq piginnaanilerujussuaq Isabella Eklöf ilitsersuisoralugu. Filmi “Holiday”-mi (2018) ilitsersuisuusimavoq aamma Ali Abassip filmiliaanik “Grænse” (2018) allaatiginnittuusimalluni.

Jan inuusuttuulluni ataataminit atornerlunneqarnini pissutigalugu qimaavoq. Maanna ilaquttani ikittunnguit ilagalugit Kalaallit Nunaanni najugaqarpoq peqqissaasutut sulilluni. Københavnili siornatigullu misigisimasani qimanniarsarisimasani ungasissutut misigivai. Nunap kulturianut ilanngunnissani kissaatigaa – kalattut inuuneqalerusulluni, asanninnermik imminullu nikaginnissusermik oqimaaqatigiittumik isumalerlugu. Ujaasinerminili Jan mianersuaalliorneruleriartuinnarpoq, naggataatigullu paasisariaqarpaa imminut annaassinnaajumalluni ilaquttanilu annaassinnaajumallugit qanga misigisimasani ajuallaatigisimasani akiortariaqarlugit.