Gavekorti Paasissutissat
Suna ujarpiuk?

Asimi misigisassaq immikkuullarissoq

Qooqqut Festivalimut peqataajartorit pinngortitamilu immikkut ittumik misigisaqarlutit! Qooqqut Festival-mi ilaqutariiullusi puigunaatsumik misigisaqarlusi peqataasinnaavusi - Nuummiit umiatsiarluni akunnerup ataatsip iluani tikinneqarsinnaasumi.

Ulluinnarsiutitit maani iperarsinnaavatit, eqqissisimaarsinnaavutit meeqqanut inersimasunullumi pisussat misigiitigalugit.

 

Nipilersoriaatsit assigiinngitsut kalaallisoortut ikumaartitap nalaani aammaluni scenemi tusarnaarsinnaavatit. Eqqumiitsuliortut issittormiut naapikkit isiginnaagassiani, oqaluttuariaatsinilu aammalumi piorsarsimassuseq kinaassuserlu pillugu pissanganartumik oqallittut isumassarsiorfigikkit.

 

Sanaluttariaasitoqqat misilittakkit, qilaatersorneq ilinniaruk, nutaanik pilersitsiffiusuni workshopini peqataagit, qajaq misiliuk imaluunniit issittormiut timersuutaannik pisinnaasatit misilittakkit. Ukiunut tamanut naleqquttunik sammisassaqarpoq, pisullu tamarmik toqqissisimaffiusumi imerfiunngitsumilu pisarput.

 

Qooqqut Festivali ataatsimoorfiusussatut, alapernaaffiusussatut kiisalu qanilaassuseq anguniarlugu aallartinneqarnikuuvoq. Maani meeqqatit peqatigalugit eqqaamasassanik katersisinnaavutit, piorsarsimassutsimut attuumassutitit annertusakkit – Issittumi Nunanilu Avannarliusuni inuiannik naapitsininni isiginneriaatsit assigiinngitsut misigikkit.

 

Pinngortitaq, piorsarsimassuseq, ataatsimoornerlu festivalimi qitiutinneqartuni peqataagit

 

Pisussat aggersut nutarterneqartassapput. Facebookimi quppernitsinni pisussanut malinnaagit.

Qooqqut Festival is sponsored by
Qanoq Qooqqunut tikissavit?

Unnuiffissat

Qooqquni tuperfissani aaliangersimasuni tupersinnaavutit. Nunap assingani takusinnaavat sumi tupinik nappaasoqarsinnaanersoq.

 

Iluatannerorusukkuit Qooqqut Nuannip illuaraataanik inniminniisinnaavutit.

Uunga allagit: qooqqutnuan@gmail.com

Imal. uunga sianerit: +299 48 25 55

 

 

 

 

 

 

 

 

 

 

 

 

Nerisassat

Nerinissamut periarfissat arlaliupput

  1. Nammineq nassarlutit imaluunnit pisaqarlutit igallutillu.
  2. Festivalertoqarnerani Qooqqut Nuan cafémik ammaasarput. Tamulupallanniaraanni tamanna periarfissaavoq.
  3. Qooqqut Nuan neriniarfittaani nerigit. Festivalertoqarnerani siumoortumik nerrivimmik inniminniisoqarsinnaanngilaq. Saaffiginnillutit inissaqarnersoq paasiniarsinnaavat.

 

Aggorsimasuuteqarnissat eqqaamajuk - kortimik akiliisoqarsinnaavoq kisianni attavilussinnaasarpoq.

Ilisimassallugit pisariaqartitat

Nammineq angalaneq:
Nammineq umiatsiaqqannik Qooqqunut angalaguit maluginialaassavat talittarfimmut pitoqqaneq inerteqqutaammat. Talittarfik usingiaanermut atorneqartarami

 

Internetsi/mobiltelefonilu:
Qooqquni attaveqanngilaq annikitsunnguamilluunni attaveqarsinnaasarpoq WiFi-imullu periarfissaqarani. Neriniartarfimmi telefoneqarpoq pinartoqartillugu atorneqarsinnaasumik.

 

Aningaasat:
Eqqaamassallugu pisariaqarpoq aningaasanik nassataqarnissaq kioskimut, cafémut neriniartarfimmullu pisiniassaguit/gussi.

 

Kioski:

Qooqqut Festival nammineerluni kioskeqarpoq mamakujunnik pisariaqartuminnguanilluunniit pisiffigisinnaasannik. Saniatigut aamma Qooqqut Festival tujuuluaqqat pisiarineqarsinnaapput.

 

Neriniartarfik:

Qooqqut Nuan neriniartarfeqarpoq mamarluinnartunik neriffigisinnaasannik. Malugiuk siumoortumik nerrivimmik inniminniisoqarsinnaanngimmat. Neriniartarfimmi saaffiginnissaatit inissamillu tunineqarlutit.

 

Perusuersartarfik:

Festivalimi nammineq isumagisassamik perusuersartarfeqarpoq. Pinngortitami “perusuersarniaruit” eqqaamassavat inoqatitit innimigilaarnissaat equutissianillu qimatsiinnannginnissat. Puussiamut atukkatit igikkit eqqaavimmukaallugillul.

 

Attavissat:

Qooqqut Nuan: +299 48 25 55

Katuaq: +299 36 37 70

Isumannaallisaaneq

Immitsinnut namminerlumi paarinissarput pisariaqarpoq. Taamaattumik festivalimi peqataasut isumaatsikkusullugit makkuninnga siunnersuutissaqarpugut.

Umiatsiaqqamik angalaneq

  • Angalatinnak silasioqqaarit
  • Angalatinnak sumunnalernerlutit, qaqugu angalalernersutit kiisalu qaqugukkut tikinnissat ilimaginerlugu ilisimatitsigit
  • Ilaasut tamaasa puttaqutinnik annanniuteqarnissaat qulakkeeruk
  • VHF radiomik nassarit
  • GPS-imik, pujorsiummik nunallu assinganik nassarit
  • Aalakoortillutit angalaanngisaannarit
  • Nerisassanik imermillu sinnilimmik nassarit

Pisuttuarneq

  • Qaqqani pisuttuassaguit ilagisatit sumunnarnerlutit ilisimatikkit. Sapinngisamik ilalersoqqaartarit
  • Ajornartoornermi ikiuutinik nassarit
  • Atisavit taartissaanik nassartarit
  • Iluaallioruit sulisut kajumissutsimilluunniit suleqataasut nalunaarfigikkit
  • Ikumaartitsisimaguit qimatsinnagu qamittuaannassavat qamilluarsimanersorlu qulakkeeqqaataruk

Qooqqut Festival ukiuni qulini

Nuka Alice aamma Hans-Ole Amossen Qooqqut Festivalimik aallarneeqataanikut eqqaamasalikkersaattut maana tusarnaakkit

Videot

Ukiuni kingullerni Qooqqut Festival misigeqqiguk - videot takukkit.

Co-lab – taallioqatigiinneq

Qooqqut Festival aallartinnginnerani ullut tallimat sioqqullugit, taalliortartut sisamat tikissapput, ullullu tamaasa nutaamik taalliortarlutik. Suliap siunertaraa erinarsoqatigiit siornatigut suleqatigiissimanngitsut naapisillugit erinarsuutit immikkuullarissut pilersinniarlugit, kiisalu siunissami suleqatissamik nassaarnissamut periarfissiilluni. Erinarsortartut ulloq siulleq immikkut sammisaq malillugu taalliorlutik aallartittarput. Ullut tulleriit ataatsimoorlutik ullormut oqaaseq isumassarsiorfissaq toqqartassavaat. Erinarsoqatigiit marluullutik suleqatigiittarput, ullut tamaasa suleqatissartik allanngortittarlugu. Festivalimi erinarsuutit nutaat saqqummiunneqartarput.

Co-labimi taalliarineqarsimasut saqqummernikut

Eqqaamasassat

Asimiissagaanni atorissaarutit ajunngitsut nassarnissaat pingaaruteqarpoq. Pisariaqartinneqarsinnaasut allattornikuuagut.

 

  • Nerisassat tamulugassallu
  • Nerisassiornermut atortut
  • Nerinermut atortut atoqqissinnaasut
    • Imerfiit
    • Puuguttat
    • Saviit ajassaatillu
  • Eqqagassanut puusiat (igitassat illoqarfimmut nassaqqinnissaat eqqaamagiuk)
  • Equutissiat (nunamut qimannagit puusiamut ikeriarlugit eqqaavimmut igikkit)
  • Kimmivikoorsivik (cigaretsit kimmivikui nunamut iginnagit)
  • Tupeq, sinnguppuua, alliaqut
  • Ikiueqqaarnermut atortut
  • Angalaarnermi sillimaniarnermut atortut
    • Immami annanniutit
    • VHF-radio
  • Ippernaaqqut, ippernaarsaat
  • Sialussiutit
  • Kamippat asimiutit
  • Atisat oqortut
  • Nasaq aaqqatillu
  • Kigutigissaatit qaqorsaallu
  • Seinersiutit
  • Solcreme
  • Vådservietter
  • Allarut
  • Ufaat/quliut
  • Iisartakkat/Medicin
  • Aggorsimasut (kontant)
Facebookkikkut malinnaagit.

Qooqqut Festival-ip facebookimi quppernera takuuk

Tooruk
Pisussat tullii
Misigisassat
Misigisassat

  • Koloni

    6.12.2025 - 7.12.2025
    Innersuunneqartut
    Isiginnaagassiat
  •

    KNR-ip Juullimi pilluaqqussutaa

    Decembarip 14-ani KNR-ip Juullimi pilluaqqussutaa Hans Lyngep inersuani toqqaannaq allakaatinneqassaaq Katrina Lindberg Boassen aamma Pipaluk Egede Poulsen ilisarititsisoralugu

    14.12.2025
    Innersuunneqartut
    Pisigit

Koloni

6.12.2025
Innersuunneqartut
Isiginnaagassiat

KNR-ip Juullimi pilluaqqussutaa

Decembarip 14-ani KNR-ip Juullimi pilluaqqussutaa Hans Lyngep inersuani toqqaannaq allakaatinneqassaaq Katrina Lindberg Boassen aamma Pipaluk Egede Poulsen ilisarititsisoralugu

14.12.2025
Innersuunneqartut
Pisigit