Eurovision-imitut aallakaatitassiaq

Erinarsuutissatut nipilersortussatullu siunnersuutit tikilluaqquagut:

1 – Nipilersugassiaq erinarsugassaasinnaavoq imalunniit erinaq, rappeq, niperujoorut, erinniaq…- sunaluunniit illit isiginnaartitsivimmi toqqaannartumik aliikkutassiarisinnaasat (immaqa allanik peqateqarlutit).

Minutsit sisamat missaannik sivisussuseqassaaq.

 

 

2 – Aaqqissuussaq una taaguuteqaraluartoq PanArcticVision, erinarsuutit nalinginnaasumik Melodi Grand Prix-imi erinarsuutitut ittut UJARTUNNGILAGUT: PanArcticVision Issittumi sumiiffinni kulturinut sammisuuvoq; assigiissutsit assigiinngissutsillu takutillugit. Sumiiffinni oqaatsit atorneqarnissaat tikulluaqquagut (tassa inunnguutsiminnik tuluttut oqaluttuunngitsut tuluttut saqqummiisariaqanngillat), sumiiffinni nipilersornikkut ileqqut nipilersoriaatsinillu akulerussuineq. Taallat ujartukkagut tassa sumiiffinni kiisalu Issittumi pissutsinut tunngasut politikkimut tunngasortaqarsinnaasut! Ilanngussisinnaasut pikkorilluartut ujartorpagut, kisiannili periutsit, ukiut, isummeriaaseq imaluunniit nunarsuatsinnik isiginneriaaseq killilersorneqassanngillat. Tupaallatitsinissarsi neriuutigaarput!!

 

 

3 – Peqataasussat ungasissumut angalasussaammata, Issittumilu angalaniarneq akisummat, kisimiilllutik marluullutilluunniit aliikkusersuiniartut kisiisa peqataatissinnaavagut (kisiannili suli arlaqarlusi aliikkuserueqatigiikkusukkussi; oqaluutta! – immaqa Nuummi nipilersoqatigisinnaasannik nassaarsinnaavugut, imaluunniit angalanissamut tapiisinnaasunik ujartueqatigiissinnaavugut?).

4 – Siunnersuutinut ilanngutassat:

- Siornatigut nipilersukkat/erinarsukkat immiunnikuusanut link-it

- PAV-mi peqataanissamut isumassarsiap allaaserinera (taamaallaat isumassarsiaqareersimaguit)

- Naatsumik ilinnut ilisaritinneq (Issittumut qanoq atassuteqarnerit, kulturikkut suliatigullu tunuliaqutit)

- Eqqumiitsuliortumik assilisat

 

 

5 – Siunnersuutit tigusagut sumiiffimmi immikkut piginnaanillit kiisalu PanArcticVision-imik ingerlatsisut nalilersuisuussapput (imaassinnaavoq eqqumiitsuliortut ilaat toqqaannartumik toqqarneqartoq, imaluunniit isumasiorneqartoq imaluunniit qinnuteqartunik amerlanernik ujartuisoqartoq imaluunniit eqqumiitsuliortunik qinnuteqaqqusisoqartoq).

Deadline: 15. Maaji 2024

Qinnuteqarnissamut immersugassaq

Toqqarneqassaguit imatut pisoqassaaq:

1- Kalaallit Nunaanni Nuummukassaatit, 12. Oktobari 2024 tusarnaartoqarlutit nipilersuummik naliliisussanut saqqummiiartorlutit. Saqqummiinerit Issittumi sumiiffinni tamani toqqaannartumik isiginnaarneqassaaq (streaming).

 

2 – Inuit Issittumi tamaniit peqataasussat pikkorissut tunniusimasullu naapissavatit, kattullusilu nipilersukkamik saqqumeeqatigiissallusi.

 

3 – Ilinnik ilisarititsissumik videolioqataassaatit, illoqarfik najugaqarfiit/inuiaqatigiit/sumiiffiit ilanngullugit. Sumiiffimmi filmiliortartumit video suliarineqassaaq (imaluunniit illit nammineq suliarisinnaavat).

4 – Oktobarip 12-iata tungaanut ulluni attaveqaqateqartassaatit sungiusaqataasarlutillu. Oktobarip 6-anni Nuummukarnissannut periarfissaqassaatit siusinnerpaamillu oktobarip 13-anni angerlamut utersinnaassallutit.

 

5 – Angalaneq, inissaqarneq nerisassallu aaqqissuisumit isumagineqassapput (annerpaamik peqataasussat marluk). Peqataasut marlukkaat katillugit 1500 euro-nik akissarsinissaat qulakkeerneqarpoq (kisimiitunut 1000 euro).

 

6 – Issittumi immikkuullarissumik nutaanik suleqatissarsisinnaassaatit attaveqaqateqartalerlutillu, taamaalillutit nunani allani avannarlerni assigiinngitsunik tusarnaartartunut tusagassiuutinullu saqqummissaatit, nuannisarlutik sapiitsuliortunut peqataallutit.

Pan-ArcticVision-imik aaqqisuisuullunilu piginnittuuvoq NORDTING - The Northern Assembly
Katuaq – Nunatsinni Kulturip Illorsua, Nuuk, kiisalu KNR – Kalaallit Nunaata Radioa - suleqatigalugit aaqqissuussaq. Suliariniakkamik aallarniisuupput Norge-mi Eqqumiitsuliortut Isumalioqatigiissitaat allallu.

Pan Arctic Vision

Pisussat tullii
  • Pierre Værk

    Silarput - Kimik upernaakkut saqqummersitsinerat

    Silarput qulequtaavoq ukioq manna nunatsinni eqqumiitsuliortut peqatigiiffiat Kimik upernaakkut saqqummersitsineranut. Silarput arlalinnik isumaqarpoq: silaannaq, silaqassuserput, silarsuarmi aaqqissuussaaneq minnerunngitsumillu silap anersaava.

Pierre Værk

Silarput - Kimik upernaakkut saqqummersitsinerat

Silarput qulequtaavoq ukioq manna nunatsinni eqqumiitsuliortut peqatigiiffiat Kimik upernaakkut saqqummersitsineranut. Silarput arlalinnik isumaqarpoq: silaannaq, silaqassuserput, silarsuarmi aaqqissuussaaneq minnerunngitsumillu silap anersaava.