SIRIUS – Kalaaleq siullerpaaq Siriusip alapernaarsuisuini

Tunup avannaarsuata inoqajuitsuani isseqisumut peqataagit filmiliornermik ilitsersuisartup assiliisartullu, Lasse Rahbek-ip, kiisalu Siriusip alapernaarsuisuini aqqutsisuusarsimasup Alfred Olsenip, immiussinerup nalaani avataanilu pisartut pillugit oqaluttuarneranni.
Saqqummiussineq immikkuullarissoq DR1-imi isiginnaagassiap nangeqattaartup pisimasuinnik tunngavilimmi Siriusimi ilanngunneqarsimanngitsut, aammattaaq Alfred OIsenip alapernaarsuisuni kalaallini siullersaalluni ilaaqqaarsimanini pillugu oqaluttuarneranik imaqarpoq.

Saqqummiussinerup affaa isiginnaagassiap nangeqattaartup qanoq suliarineqarsimaneranik imaqarpoq: teknikkikkut unammillernartut, inussat qerussimasut immiussinerullu avataani pisut ilanngunneqarnikuunngitsut. Saqqummiussinerup sinnera Alfredip Kalaallit Nunaata Avannaata nalaatigut qimussernera pissanganartoq, quianartoq tataatsannartumillu imaqarpoq. Soorunami aamma iperaatap qanoq atorneqartarneranik takutitsissaaq, Afred-illu qimusserluni angalaneraniik assinik immiussaanillu takutitaqassallutik.

Aliikkusersuineq, attortisimaneq aammalu isumassarsiorfittut saqqummersitsinermi siunertaavoq – immaqalumi aalla kalaallinut inuusuttunut qallunaat illersornissaqarfianut Nalagaaffeqatigiinnilu sunneeqataaffeqarsinnaaneq pillugu soqutiginnittoqartilerlugu. Saqqummiussineq tiguartinnarpoq, takujuminarluni ilikkagaqarnarlunilu, inuit najuuttut nilleq ulussakkut malugiinnarnagu ilisimasassarsiornermi inuuneq, inuit amerlanngitsuinnaat misiginikuusaat qanoq innersoq qanimut paasisaqarfigissavaat. Piffissami immikkoorfiusumi sianigisassatut nalillit ataatsimoorfigerusuppagut – Kalaallit Nunaata Naalagaaffeqatigiinni pingaartutu inissisimanera tulluusimaarutigalugulu alapernaannermik pilersitsilluta