Shazia Khan assiliisartuuvoq nipinik oqaluttualiaralugit sulianik ilisarititsinernillu suliaqartartoq. Danmarkimi inunngorlunilu peroriartorpoq pakistanermiut qallunaallu piorsarsimassusaanik siuaasaqarluni.
Assilisarisai tulleriaartuliat, ingerlatiinnarlugu immiussai podcastiliaalu inunnik sumiiffinnillu ulluinnarni tusarneqarneq ajortunik sammiveqarput.
Siulit – Ancestors qulequtserlugu "We are here now" suliaq Shazia Khanimit pilersinneqarpoq inunnillu Danmarkimi najugallit Kalaallinik siuaasallit ilisaritinneqarlutik – ilaat Kalaallit Nunaanni, Danmarkimi nunanilu allani inuuneqartut. Suliap illuinnaasiortumik inunnillu kalaallinik inuiaqatigiinnilu ikinnerussuteqartunik tunuliaqutalinnik isiginneriaaseq allanngortinniarlugu suliaraa takutinniarlugu inuiaqatigiinni kinaassuseq assigiinngitsorpassuarnik aallaaveqartoq
Shazia Khan inunnut Kalaallit Nunaanneersunut qangali annertuumik atassuteqartutut misigisimasarsimavoq, inuttut nammineq kinaassusini atorlugu inuuffiusinnaasumi. Eqqumiitsulioriartorluni Uummannamiinnermini, inuusuttunik assiliissummillu suliaqarnermini, isiginneriaaseq nutaaq nunarsuarmullu allatut isiginneriaasia naleqarnerulerluni.
