Taalliortarpit?Avitseqatigerusukkutsigut taalliannik atuaajartorit. Taallianilluunniit atuaasunik tusarnaariarit.
Oqalutseqalinngilaq.
Taalliortut oqaatsit atugassatik namminneq toqqarsinnaavaat.
Tulluartoq Nielsen Tasiusaminngaanneersoq ilinniarnerminut atatillugu Nuummi najugaqarpoq. Nutaanik pilersitsinissaminut nuannarisaqartuuvoq taassumallu iluani taallanik erinnanillu pilersitsineq aallutarisuullugu. 18-inik ukioqarluni taalliorneq aallartippaa, tassanilu taallat erinallit suliarissallugit aallutaralugit.
Ukioq 2025-imi Suialaa Arts Festivalimi taallanik atuaanermi (poetry slam) ajugaavoq.
Isiginnaartitsisartoq isiginnaagassialiortartoq Ane Marie Ottosen Sofa aappalaartumi aamma Hinnarik Sinnattunilu-mi ilisimaneqarluartoq assigiinngitsunik suleqataallunilu suliaqartarpoq. Isiginnaagassiat quiasaarutit, asannilersaarutit pissanganartuliallu peqataaffigisarnikuuai sulilu maannamut ingerlataralugit.
Ukiorpaalunni taalliornermik soqutigisaqarnikuulluni Suialaa Arts Festivalimi poetry slamimi peqataarngaarpoq siullermeerluni taalliaminik atuaalluni.
Taamaattumik sisamanngorpat 19. Februar unnuk taallialeriffimmi Tulluartoq Nielsen aamma Ane Marie Ottosen taallanik atuaalerpata peqataagit. Unnuup ilaa Ane Marie-kkut atuaallutik naammasippata kikkunut tamanut ammarumaarpoq.
