Gavekorti Paasissutissat

20:00 Matut ammassapput (Matumi pisineq: 350,-)

21:00 Tupaarnaq

22:45 Ulf Fleischer & Paarisa Band

00:15 Unnummut qujanaq

Tupaarnaq

Siulliulluni tusarnaartitsissaaq erinarsullaqqissoq Tupaarnaq, immiussani tusarnaarneqartuartoq ”Illit” saqqummersineranit ukiut 20-t qaangiunnersiorlugit persuarsiornersioqatigiuk. Ukiuni 00-ikkunni tusarnaartakkatsinnik puigunaatsunik erinarsorluni Kalaallit Nunaanni taamanili tusarnaartitsisartutut nuannarineqarlualersoq isiginnaajutigalugu tusarnaariarina. Taassuma pop-imik qitittarissanillu nipilersukkani aqqutigalugit nipilersortartutut ingerlajuarpoq.

 

Piffissami kingullermi tusarnaartitsinikuunani maanna nipilersoqatini ilagalugit ukiut kingulliit qulikkaat puiguikkiussatsinnik atueqattaarluni tusarnaartitsissaaq. Tupaarnaq siuttoralugu puigunaatsumik tusarnaartitsilerpata, nuannaartunartut qiimmannartut tusarnaariakkit.

Isissaguit cookiessit akuerissavatit Tooruk
Isissaguit cookiessit akuerissavatit Tooruk

Ulf Fleischer & Paarisa Band

Unnuk naanersiorlugu tusaamaneqarluartoq Ulf Fleischer & Paarisa Band tusarnaarsinnaavatit. Ulf Fleischer-ip nipilersortarnera Qullissani aallartippoq, piaartumillu nipilersornermik piginnaasai ineriartornikuullutik. Kalaallit Nunaanni, Danmark-imi, Island-imi, Savalimmiuni Canada-milu tusarnaartitsisareerluni 1997-imi Koda-mit nersornaaserneqarpoq.

 

Nipilersukkat nuannarineqartuartut soorlu "Neriuut", "Paarisa", "Takorluulertuarpagit" kiisalu "Issiaannarusunngilanga" tusaamasaassutigalugit Kalaallit Nunaanni nipilersortartutut nuannarineqartuarpoq. Ulf Fleischer-ip erinarsugassiai qatsunneqajuitsut, nipilersoqatai pikkorissut ilagalugit aliannaarlutit, tupigusuttarlutit, qitittarlutit eqqaasaqallattaallutit unnussiuaarina.

Aningaasaliisunut qujavugut

Ullorsiutini kryds-ileruk

ikinngutitillu katersoriarlugit, nipilersortartut tusaamaneqarluartut kattullutik puigunaatsumik Katuami tusarnaartitsinissaannut qaqutigortumut peqataalluarisi.