Katuaq ukiuni tulliuttuni pingasuni anguniangassaqalerpoq ersarissumillu periusissiaqalerluni. Katuami pisortaaneq nutaaq aallartimmat periusissiassatut suliassaq nutaaq aallartinneqarpoq. Ukiullu ataatsip ingerlanerani Katuami sulisut taavalu siulittaasut periusissiassamut suliaqareerlutik periusissiaq nutaaq aallartisarneqaleruttorpoq.
”Suliffeqarfimmi periusissiaq ersarissoq pingaartinnikuuarput, tamattami nalunngilarput anguniangaqassangutta anguniagassaq ersarissuusariaqartoq paasinartuusariaqartorlu suleqatigiilluta pitsaasumut alloriaqatigiissagutta”, Katuami pisortaaneq Ivaaq Kriegel oqarpoq.
Periusissiap anguniagassat tallimaasut siunertarivai:
- Atuisut misigisaannik pitsaanerulersitsineq
- Suliffeqarfik orniginartoq
- Aningaasaliisunik suleqateqarneq
- Pilersitsisunik piginnittunillu oqaloqateqarneq
- Kulturilerisunut attaveqaateqarnerulerneq
Taakkulu periusissiat pingaarnerit tallimat ukiuni tulliuttuni pingasuusuni Katuap sumut ingerlanneqarnissaanut aqqutissiueqataasussaapput. Periusissiat saniatigut Katuaq allamik najoqqutatut atortakkamik oqaaseqalernikuuvoq, imatut nipilimmik:
“Katuaq - Eqqumiitsuliornermut kulturimullu uummatit tillertipparput.”
”Taanna assut uanga nammineerlunga nuannaraara, pissutingalugu katuarpalaaq uummatitta tillernerata nipaaninngaanniik aallaaveqarmat”, taama naggasiivoq Ivaaq Kriegel.
Eqqumiitsuliornerup kulturilerinerullu siammarnissaa, uumatittuarnissaa kiisalu tillertittuarnissaa Katuap anguniagassaasa annersaraat. Qaavatigullu Katuamut isertartorpassuit eqqumiitsuliortunik misigisassarpassuarnik nuannersunik pikkunartunillu tunniussisarnerat uummammik tillertitsisunik inummut nuannaajallatsitsisinnaasumik anilinnginnerminni pissarsisarnissaat anguniagariuarparput.
