- Kulturi nunagisamik ataatsimoortitsisarpoq. Kulturi aamma nunagisami alliartornermik ineriartornermillu pilersitseqataasarpoq. Kulturimullu ilaasup tamatuma Kalaallit Nunaanni pigiinnarnissaanut peqataarusuppugut. Nuummiinnaanngitsoq, sinerissamili tamarmi.
- Katuaq Kalaallit Nunaanni inuiaqatigiinni inissisimaffeqarpoq pingaarutilimmik. Inuiaqatigeeriaatsimut illorsuaq nunami tamarmi sulianik pilersitseqataaffiuvoq, taamaattumillu uagutsinniit pissusissamisoorpoq, siunertamik pitsaasumik tamatuminnga tapersersuinissarput, Susanne Christensen oqarpoq.
Julia Pars: - Brugsenip ukiuni 2018-miit 2020-mut Katuami kulturimut tunngatillugu suliatsinnik tapersersuerusunnera nuannaarutigaarput. Tapersersuinissamik aningaasaliissutit, aaqqissuussisarnitta tamatigoortuutinnissaata attatiinnarnissaanut akissaqalersitsipput amerlanerusunullu anngussisinnaalersilluta. Assersuutigalugu ukioq manna Nuup saniatigut illoqarfiit qulit aaqqissuussiffigeriikatappagut. Inuussutissarsiortunit, soorlu Brugsenitut ittunit, kulturip tapersersorneqarnera, uagutsinnut isumalerujussuuvoq.