Elina Ijäs

Elina Ijäs nipilersortartuuvoq erinarsortartorlu inuusuttoq ingerlallualereersoq, sámit nunaanit avannarlermit Guovdageaidnu/Gautokeinomeeruullunilu Gáivuotna/Kåfjordimeersoq. Taalliarisartagai misigissutsini ilumoorfigalugit oqimaaqatigiisumik nukittuumillu tarrarsortuupput. Oqaatsit ilitsoqqussani tassa sámit avannarliit oqaasii atorlugit taalliortarpoq, toqqissisimanartumik misigigami.
“Sámit oqaasii atorlugit taalliakka unneqqarinnerpaapput,” oqarpoq.

Elina inuusukkaluarluni Sápmi iluani kisimiilluni, peqateqartarluni suleqateqarnikkullu avataanilu tusarnaartitsisarneri amerlereerput. Oqaatsit kulturilu kingornussani qujamasuutigalugit ataqqillugillu nipilersornikkut takutittarpai.

“Ilaquttanni Saamiit oqaasii kinaassuserpullu ingerlaqqinnissaa qularnarnikuuvoq, qanoq ilungersunartigilersimagaluarnera eqqarsaatigisarpara. Maanna oqaatsit kulturilu uanga nammineerlunga eqqissisimanartumik pissarsiarigakkit qujamasuutigeqaakka. Uanga sioqqullunga pisoqarnikooqaaq. Siuaasakka, aanaakkukka, angajoqqaakkalu suna tamarmi unammillernartut aqqusaarlugit ingerlateqqinnikuuaat, qujamasuutigilluinnarpara.”

Elina Ijäs ukioq manna co-lab peqataaffigissavaa, Qooqqut festivalimilu Mie Bergh aamma Emil Karlsen appisimaaqatigissallugit.