Ivar Beddari tassaavoq alutornartumik oqaluttuartartoq, naggueqatigiit Sámit nunaata kangisinnerusortaani (Øst-Sápmi) Norgip tungaaniittumi Páččjok-meersoq.
Ivar eqqumiitsuliortuuvoq killeqanngitsumik piginnaanilik, isiginnaartitsisartutut, nipilersortartutut, nipilersornertalimmillu isiginnaartitsissusiortartutut suliaqartoq. Avannarpasissup issittullu pissusaat qitiutilluinnarlugit, isumassarsiat tamatigoortut, namminerisaminut allalluunniit eqqumiitsuliaannut tunngatillugu, allakkat taallallu uummassuseqalersittarpai,
Páččjok-ip kuuata orpippassuillu nipaat oqaluttuarsiaani uummataapput. Oqaluttuai alutornartoqartut aqqutigalugit uumasut pillugit erinasuutit tusarnersut kulturikkut kingornussat tigussaasunngoruminaatsut anersaallit, kiisalu pinngortitap ataqatigiinnera uumassusillillu assigiinngisitaartut pillugit uani angalatinneqassaatit.
Isiginnaartitsisartutut filmini ukunani takuneqarsinnaavoq: Ole Giæver-ip filmiuliaani Ellos Eatnu, Nils Gaup-ip Sulis 1907 kiisalu Elle Sofe-p Àrru. Saniatigut isiginnaartitsivinnut tv-mullu erinaliornermigut tusaatitsilluartuuvoq. Ukioq kingulleq nipilersornertalimmik isiginnaagassianut tunngasuni allakkanik suliaqarsimavoq ukua peqatigalugit: Arve Henriksen, KORK, Nordnorsk jazzsenter kiisalu Emil Kárlsen.
Isiginnaagassialiai ukunani tusaaneqarsinnaallutillu takuneqarsinnaapput:
- Nammineq isiginnaartitsissutaa ”The Heritage of North-East” Kalabalik peqateqarluni suliaa.
- Isiginnaartitsissut ”Kapittel 21” – sallusuissutsimik isumakkerfigeqatigiinnissamillu isumalioqatigiissitat nalunaarusiaaneersoq, Bernt Bjørn peqatigalugu saqqummersitaq.
- Isiginnaartitsissut ”Stilla”, NOOR Produksjoner aamma Ferske Scener peqatigalugit pilersitaq.
Avannaarsuata anersaavanik pikkunartumik misigisaqarnissamut periarfissatsialak.
