Nimkii and the Niniis

Turtle Island sineriaanni kingoqqisut qilaatersortartut immikkuullarissut, Nimkii and the Niinis (NATN), erinarsortartoqatigiiupput Ontariop qeqqarpasissuani najugaqartut. Saqqummersitaat siulleq EP Nang Giizhigoong 2022-imi Juno Awardip Traditional Indigenous Artist of the Year-imi piukkunneqarnikuuvoq. 

 

NATN 2020-imi pandemiip nalaani nunat inoqqaavisa oqaluttuartartui tapersersorniarlugit aammattaaq oqaatsip piujuaannarnissaanut taperseerusullutik aallartinneqarpoq. Eqimattaq – imaluunniit “qilaat” - Nimkii Osawamickimit  siulersorneqarpoq, iluarusunnartumillu qilaatersoriaasitoqaq tulleeriaasitoqarlu tusarnaartitsissutigisarpaat.