Odawa Wiingushk qitittartunit pingasunit nunasisunit tunngavilerneqarpoq nunap inoqarfinillu pingasunit aallaaveqartunit, tamarmik immikkut ittumik qitittaaseqartunit.
Odawa Wiingushk qitittartut qiteriutsit assigiinngitsut powwow-imi ingerlanneqartut takutittarpaat. Wiingushk (Sødgræs) tassaavoq, nunap inoqarfianit amerlasoorujussuarnit Turtle Island-imeersunit nakorsaatit sisamat akornanni illernartutut isigineqartoq.
www.odawawiingushk.com
Leslie Kachena McCue tassaavoq eqqumiitsuliortoq Michi Saagiig Anishinaabe Curve Lake First Nation-imeersoq Ontario, Turtle Island avannarlrmeersoq (maanna Canada-mik taaneqartoq). Odawa Wiingushk-imut Ilaasortaavoq, tassaniipput qiteriutsit nunap inoqqaavi peqatigiillutik oqaluttuaannik qitinneq, takutitsineq nunamilu najugaqartut peqatigalugit allanik ingerlatsisartut.
Ulluinnarni sulinermini Leslie Royal Ontario Museum-imi Indigenous Learning and Programs-imi pisortaavoq, tassanilu pisortaaffigaa qallunaat/nunap inoqarfianit ilinniartitsisut aaqqissuisullu peqatigalugit suliaqarfik.
Leslie takutitsisarlunilu oqalugiartarlunilu sumiiffinnut amerlasuunut qaaqquneqartarsimavoq, soorlu Vancouver Olympics Athletes’ Village aamma pavillionini, Pan Am Games, Vrije Universiteit Amsterdam, Kuala Lumpur aamma Juno Beach Museum-imi Frankrigimi.
Leslie Qooqqut Festivalimut aaqqissuisunullu qaaqqusinermut qujavoq.
Jason Gullo tassaavoq Cherokee Nation of Red Clay Tennessee-meersoq.
Jason takutitsisartuuvoq, taakkulu Ottawa Algonquinimi ilisimasani atorlugit nunap inoqqaavisa eqqumiitsuliornerat aallutaraa.
Jason Gullo tassaavoq Cherokee Nation of Red Clay Tennessee-meersoq. Jasonip suliarisartagaasa ilagaat takutitsisartutut eqqumiitsuliorneq, maannalu Ottawa Algonquinip nunataani najugaqarlunilu eqqumiitsuliamigut misilittakkanik siammarterisartoq.
Jason naggueqatimi ilisimasai atorlugit nunap inoqqaavisa eqqumiitsuliornerat kajumissaarutigiuarsimavaa.
Takutitsisarnerminik, pilersitseqataasarnerminillu eqqumiitsulianillu nunarsuarmi tunisaqarluartarsimanerminik ataqqinaammik tunineqarsimavoq.
Jason nunarsuarmi sumiiffinni assigiinngitsuni soorlu Broadway-mi off Broadway-milu Harlem Dance Theater peqatigalugu, Viacom (MTV) aamma Madison Square Gardens-imi world festivalimi peqataasareerpoq.
Jason sumiifinni ukunani qitinnermik takutitsisimavoq: Kaha:wi Dance Theater peqatigalugu 2017-imi takutitassiaani "The Honouring", Ontario tamakkerlugu ingerlassimallugu. Maannamut "IBEX Puppetry" suleqatigalugu pilersitseqataasimavoq takutitsisarsimallunilu “Harmonious Migration”-imi.
Ilisimasaminik takutitsisartutut eqqumiitsuliortutullu Turtle Island-imi nunap inoqarfianut amerlasuunut ingerlatitseqqiinissaq pingaartitaraa, neriuutigalugu naggueqatigiit tulliuttut qitittartut kajumissuseqalersissallugit.
Leslie Kachena McCue
Jason Gullo
