Tarrak

Tarrak kalaallit rappertarfiani qitiusut ilagaat. Tarrak taalliamini politikkikkut inuttullu inissisimaneq ersersittarpaa, oqaatsillu atorlugit nunasiaataanertut eqqarsarneq isornartorsiorujussuartarlugu. 

 

Tarrak nuuteqqamik FxGxS-imik taaneqartumik saqqummersitseqqaarnermini tusaamasanngorpoq, ilaatigut “Tupilak” annertuumik ingerlaartinneqarluni. 2019-imi nuuteeraq Josef Tarrak saqqummerpoq, tassani rappertartup inuttut oqaluttuassartani saqqummersillugu. Saqqummeqqaarutigineqartoq isiginnaagassiornerup silarsuaanit tiguneqarpoq aterlu taanna atorlugu isiginnaagassiarineqarluni. Ukioq 2023 qallunaat rappertartut Suspekt peqatigalugit “Uummatima” saqqummersippaa, siornalu “Ua” aamma “Fjernsynip Aquutaa” saqqummersillugit. Ukioq mannalu 2025-imi upernaap ingerlanerani “Polka” saqqummersillugu. 

 

Tarrak nersornaatinik assigiinngitsunik nersornaatisinikuuvoq, ilaatigut makkuusut; Koda Awards 2017-imi Isumalluarnartumut nersornaat, 2021-imi Koda Awardip ukiumut nersornaat kiisalu 2017-imi Naalakkersuisut Kajumissaatitut nersornaatitut tunniuttagaanik pissarsinikuulluni.  

 

Ukioq 2023-imi Tarrak kalaallini rappertartuni siullersaalluni Roskilde Festivalimi appisimaarpoq.