VARNA
Qilaatersornerup inngernermillu uummarissaasoq
Varna assigiinngitsorpassuarnik eqqumiitsuliortuuvoq, filmliortuulluni kiisalu qilaatersortartuulluni. Suliamini nunap inoqqaavisa kingornussarsiaasa nungutajaalersut paarilluarneqarnissaat, atatiinnarneqarnissaat uummarissaqqinneqarnissaallu pingaartilluinnarpai, ingammik kalaallit qilaatersoriaasiat inngeriaasiallu.
Suliarisai siuaatta ileqqutoqaasa ullutsinnilu oqaluttualiornerup akornanni ataqatigiilersitsisuupput.
Photocredit: Helle Nørregaard
Qooqqut Festivalimi makku misigisinnaavatit:
- Kingornussarsiat erinarsoqatigiissut: Varnap inngertarnermi ileqqutoqqat tunngavigalugit erinarsuutit toqqakkat inngeroqataaffigissavai.
- Atuakkanik atuuffiginninneq: Atuakkiaminit nutaamit "Inuk and the shamans drum"-imit atuagassanik saqqummiussissaaq, mianernartunik kalaallit angakkoqarnermik kingornussarsiaannik sammisaqartumik.
Qilaatersorneq, kulturi oqaluttuarisaanerlu qanimut misigiartukkit.
