Katuarpalaaq
Katuarpalaaq tassaaavoq naggueqatigiit inuit siuliminnit kingornussaat, qilaatitoqaq qitiutillugu festivalerneq. Inuit nunamik killeqarfii qaangerlugit aalluttuarsimavaat, taassumalu sukumiisumik misilittarlugu katerisimaarnerinni atortuarpaat. Tassalu oqaluttuarissaanitsinni suli katuarpalaaq ileqqutoqqallu naapertorlugit inngertarnerup ilisimaarineqarnera katerisimaartilluta assigiissutsivut assigiinngissutsivullu aliikkkutaralugit pissanganartummik suli sammiuarparput. Tamatta immikkut nunatta isorartoqisut ilaanni kingornussavut uagutsinnuinnaanngitsoq aammali inuiannut allanut alutorsaatitut aliikkusersuutigiuarparput, maanilu Kalaallit Nunatta kitaani aamma ukiut kingullliit arlaqaqisut malunnaatilimmik aliikkusersuutigiuarnikuuarput.
2021-mi decembarip 15-ianni qilaat inngernerlu aamma Unesco-mit nunarsuarmioqatigiit kingornussaatut eriagisarialittut suaarutigineqarpoq, 2022-milu martsi-mi tamatuma persuarsiutaanerani katuarpalaarnerani Kalaallit Nunaata katersugaasivianut uppernarsaatitut tunniunneqarluni. Katuarmi aamma Kalaallit Nunaata tamarmi kulturimut illorsuatut pisussaavoq qilaatip atorluarneqaannarani aamma inerisarneqartuarnissaa isumagissallugu, siuaatsinnillu kingornussagut tamakkua uninngatsiinnarnagit inuummaarissumik atorluarneqarnissaa pingaaruteqarpoq. Ukiunilumi kingullerni amerlaqisuni nivingatiinnarnagu uummaarissumik aliikkutariualernikuullutigu.
