Kimik oqaloqatigalugu

Silarput qulequtaavoq ukioq manna nunatsinni eqqumiitsuliortut peqatigiiffiat Kimik upernaakkut saqqummersitsineranut. Silarput arlalinnik isumaqarpoq: silaannaq, silaqassuserput, silarsuarmi aaqqissuussaaneq minnerunngitsumillu silap anersaava. 

Eqqumiitsuliat alutornartut nerisassallu mamarluinnartut misigiartukkit. 

Katuami aaqqissuussaq nutaaq Eqqumiitsuliat Nerisassallu aallartippoq, tassani kalaallit nerisassaataannik pingasunik pissanganartunik nerisassanik sassaalliisoqassaaq eqqumiitsuliortullu suliaat, suliaminnik suliarinneriaasiat isumassarsiaallu tusarnaarsinnaallugit.