Gavekorti Paasissutissat

Naja P

Erinniortoq taalliortorlu Naja Panuuna Vahl Olsen, eqqumiitsuliortutut atiminik Naja P-imik ilisimaneqarnerusoq, kinguaariit nutaat ileqqutoqqanik, kinaassusermik nunatsinnilu inooriaatsimi nutaajusumi inissinniarlutik ilungersuuteqartut ilagaat. Najamut nipilersorneq misigissutsinik qiimmassaqatigiinnissamullu avitseqatigiiffiusinnaasutut pingaartitaraa – nipilersoriaasiaanilu tamanna malunnarpoq.


Saqqummersitaa “Naasunnguusunga” Naja P-ip atini atorlugu siullermeerluni saqqummersitaraa, saqqummersitseqqaataalu Kalaallit nipilersertarfiini ingerlalluarluni. Najap saqqummersitserngaataa Koda Awardimi 2023-imi Ukiumi Nuuteeqqami kiisalu Ukiumi Saqqummersitami nersornaammik tunineqarpoq. Oktoberillu qaammataani 2024-imi Naja P-ip saqqummersitaa “Allaaneruvunga”, aammaarluni nunatsinni nipilersortartuni inissisimalluartuneeqqilerpoq.

Ulf Fleischer

Unnuk aallarnerlugu tusaamaneqarluartoq Ulf Fleischer & Paarisa Band tusarnaarsinnaavatit. Ulf Fleischer-ip nipilersortarnera Qullissani aallartippoq, piaartumillu nipilersornermik piginnaasai ineriartornikuullutik. Kalaallit Nunaanni, Danmark-imi, Island-imi, Savalimmiuni Canada-milu tusarnaartitsisareerluni 1997-imi Koda-mit nersornaaserneqarpoq.

Nipilersukkat nuannarineqartuartut soorlu "Neriuut", "Paarisa", "Takorluulertuarpagit" kiisalu "Issiaannarusunngilanga" tusaamasaassutigalugit Kalaallit Nunaanni nipilersortartutut nuannarineqartuarpoq. Ulf Fleischer-ip erinarsugassiai qatsunneqajuitsut, nipilersoqatai pikkorissut ilagalugit aliannaarlutit, tupigusuttarlutit, qitittarlutit eqqaasaqallattaallutit unnussiuaarina.

Aningaasaliisut qujaffigivagut
Pisussat tullii
Misigisassat
Misigisassat