Taalliortarpit?Avitseqatigerusukkutsigut taalliannik atuaajartorit. Taallianilluunniit atuaasunik tusarnaariarit.
Oqalutseqalinngilaq.
Taalliortut oqaatsit atugassatik namminneq toqqarsinnaavaat.
Katti Frederiksen (1982-mi Narsami inunngortoq), pingasunik qitornaqarpoq.
Oqaatsitsinnik soqutigisaqarluni suliaqartuuvoq Ilisimatusarfimmilu ilinniagaralugit. 2011-mi ilinniagartuunngorpoq. Suliffimmi saniatigut saqqummersitsisarneq ingerlannikuuaa, massakkut namminersortutut saqqummersitsisarfiuteqarluni oqaatsittalu atorneqarnerisa nukittorsaavigiuarnissaat uummateqarfigalugu.
2006-imi saqqummersitseqqarpoq, aajuna atuakkiarinikuusaanut makittagaliarinikuusaanullu takussutissaq.
2006 “Uummatima kissaa”
2010 “100% eskimo INUK”
2017 “Eqqarsaatit ajunngitsut”
2017 “Oqaatsit 100-t meeqqanut ilikkartikkit”
2021 “Iperaaneq”
2023 “Issittumi aputip naasunngua”
2023 “Oqaatsit nuannersut”
2024 “Ullorsiutikka”
2024 “Imminut isumagineq”
Paarnaq Rosing Jakobsen (1989-mi inunngortoq), taalliortuuvoq, december 2024-mi siullermeerluni saqqummersitaraa Taartumi Sulugissarpoq.
Paarnap taalliai imminut uterfiginissamut aqqutissiuussisuupput, nunasiaatillit isiginnittaasaanniit uaguussusitsinnut uterteerusuttut.
Atuakkiaq isummakkut ammarsaasuuvoq, atuartumut qamuuna angalanertut ilummut silammullu ingerlaartitsisoq. Paarnaq aappani panitsillu Nuummi najugaqatigai.
Ulluinnarni inuit mamisarnerannut aqqutissiuussisutut sulisarpoq (psykolog), suliffiup avataasigut immami kinittarneq, assassorneq allannikkut, nuersaanikkut mersornikkullu aallutarissallugit nuannarisarai.
