Paninnguaq Jensen erinarsortartuuvoq taalliortartoq nunatsinni ilisimaneqarluartoq, tusarnaartartuminullu misigissutsit ilisarnartut aqqutigalugit qamuuna nuannersumik attortinnartumillu misigititsisartoq. Bandteqatini pikkorissut ilagalugit Katuami nuannisartitsissapput.
Nipilersoqatigalugit :
- Paninnguaq Jensen (vokal)
- Qillaq Johansen (guitar)
- Kasper Mathiassen (guitar)
- Peter Hendriksen (bas)
- Nukannguaq Geisler (keyboard)
- Ove Olsen (trommer)
Saqqummersitaq: Maaniippunga (2017)
Paninnguaq arfineq marluinnarnik ukioqarluni erinarsorneq aqqutigalugu tusarnaartitsisalereersimavoq, taamanimiilli nammineerluni nipaa immikkuullarissoq ilisarnaatigilerlugu. Album siulleq Maaniippunga immiunneqareermat nipilersornerup silarsuani ingerlalluartunngoreerluni tusarnaartartorpassuaqarpoq.
Nipilersoriaaseq: Pop
Paninnguup erinniai inuunerup allanngorartuusinnaaneranut tunngasuupput, taalliailu misigissutsit misigisartakkallu nuannersut artornartullu tamaasa ersersittarpai.
Paninnguup nalunnginneqaatigivaa nipilersuutini aqqutigalugu tusarnaartuminut misigisakkut ataatsimuulersitsineq. Tusarnaartitsisarnerilu immikkuullarissunngorlutik erinnat ilisimaneqartut aammalu nutaarluinnaat saqqummerneqanngitsut misigineqarsinnaammata.
Arlaleriarluni nuannerluinnartunik tusarnaartitsereerluni aamma Katuami unnuk puigunaatsuunissaa qularinagu nipilersoqatinilu qilanaarput.
Pisigit
