Gavekorti Paasissutissat

Allattoq ilitsersuisorlu Anders Glud Jensen.

Ingerlatsisoq Mattak Production & Naleraq Lights.

Isiginnaartitsisut Salik Gudmundsen Lennert & Ujarneq Fleischer

Isiginnaartitsivimmi aaqqissuisoq Rebekka A. Ingimundardottir

Nipilerisoq Hans- Ole Amossen

Qullilerisoq Naleraq Eugenius

Atisalerisoq Lisbeth Karline Poulsen

Anders Glud Jensen

Den Danske Scenekunstskole Odense-mi 2012-mi isiginnaartitsisartunngorniarsimavoq. Method Acting - Lola Cohen isiginnaagassiallu ”Clara” aamma ”Sarah”, filmerlu ”På vej hjem” aaqqissuunnerini peqataasimalluni. Anders manuskriptimik allattuusimavoq isiginnaagassiarlu ”Tarrat Akornanni” ilitsersuisuuffigalugulu.

Anders Glud Jensen Tarrat Akornanni isiginnaagassiami ilaasoq
Salik Gudmundsen Lennert Tarrat Akornanni isiginnaagassiami isiginnaartitsisartoq

Salik Gudmundsen Lennert

Nunatta Isiginnaartitsinermik ilinniarfiani ukioq 2023-mi isiginnaartitsisartutut naammassisimavoq. Sisimiuni inunngorpoq peroriartorlunilu. Angakkutut isiginnaartitsisimavoq, piniartutut saqisutullu ”Breathing Hole” Ottawa-mi 2022-mi pisumik. 2023-mi rockoperami isiginnaartitsisimavoq atilimmik ”Palasi”. Salik isiginnaagassiami peqataavoq.

Ujarneq Fleischer

Sisimiuni inunngorpoq peroriartorlunilu. Isiginnaartitsinermi imminut ilinniartissimasoq annertuumillu misilittagaqarluni isiginnaartitsisartutut, filmiliortartutut aamma TV-kkut. Isiginnaagassiami ”Kaassasuk 2010”-mi saqqummeqqaarsimavoq, Silamiut isiginnaagassiarisimallugu kingullerpaattut. Peqataaffigisimavaa ”Borgen”. Ujarneq isiginnaagassiami peqataavoq.

Ujarneq Fleischer isiginnaagassiaq Tarrat Akornanni -mi isiginnaartitsisartoq
Lisbeth Karline Poulsen isiginnaagassiami Tarrat Akornanni ilaasoq

Lisbeth Karline Poulsen

Eqqumiitsuliortoq tamatigoortoq. Isiginnaartitsiviup kiluanik aaqqissuisarpoq isiginnaagassianut assigiinngitsunut atisaliortarsimalluni. Naleraq Eugeniusip “Ukiumi Ulloriaq” 2018-imi saqqummersitaa aaqqissueqataaffigisimavaa pilersitseqataalluni. 2019-imi Københavnimi Film- og Teaterskolemi allagartartaarpoq. Lisbeth ”Tarrat Akornanni” akisussaaqataasuuvoq atisallu isumagalugit.

Naleraq Eugenius

2014-imi Århus Tech-imi isiginnaartitsinermi teknikeritut ilinniakkaminik naammassivoq. Naleraq 2016-imi isiginnaagassiamik siullerpaamik “Mizu” meeqqanut isiginnaagassiaq saqqummersissimavaa AneMarie Ottosen peqatigalugu, kingornalu arlaleriarluni isiginnaagassialiortalerluni, aamma isiginnaagassioqataasarluni. Kalaallit Nunaanni isiginnaagassialiornermut teknikeritut siullerpaalluni ilinniarsimasunngornerminiit suliassarpassuaqarsimavoq. Naleraq isiginnaagassiamik pilersitsisuuvoq qullilerisuullunilu.

Tarrat Akornanni plakat

Hans-Ole Amossen 

Eventteknikeritut ilinniarsimavoq, nipilerineq aallutarinerullugu. Da Bartali Crew aallartinneraniit Nordisk Råds Musikprisimi innersuunneqarsimavoq. KODA`s talentpris 2019-mi pisumi toqqagaasimalluni. Hans- Ole arlaleriarluni nipilerisuusarsimavoq aamma isiginnaagassiani nipilersuusiortartuulluni. Isiginnaagassiarlu ”Tarrat Akornanni” aamma nipilerisuuffigissallugu.

Rebekka A. Ingimundardottir

Reykjavikimi inunngorpoq peroriartorlunilu. Stage and Costume design-imi Prag-imiitumi ilinniarsimavoq Object Theater maker-itut, kingornalu isiginnaartitsinermi ilitsersuisutut ilinniarsimalluni. Ukiut 30-t sinnerlugit ilusilersuisutut ilitsersuisutullu misilittagaqarpoq, isiginnaagassianik ullutsinnut naleqquttunik nutaalianik, TV-milu peqataasarluni. Rebekka isiginnaagassiami ”Tarrat Akornanni” scenografiuvoq.

Isiginnaagassiap aningaasaliisui
Misigisassat tullii
Misigisassat
Misigisassat

Martin Løvstrøm & René Brandt

Martin Løvstrøm upernavimmi peroriartortoq ilaatigut nipilersortartoqatigiinni Silamiuni erinniortoq taalliortorlu solo-liaa `Qangami´ ukioq manna ukiuni 20-nngortorsiorpoq. Unnuk aallarnerlugu René Brandt appeqqaartuujumaarpoq. 

8.11.2024
Nipilersornerit
Innersuunneqartut
Pisigit