”Nuannaaqaagut taamatut suleqatigiissinnaagatta, qangali suleqatigiittaraluarluta suleqatigiinnerput naqissuseqqiinnarparput,” oqarpoq Nunatta Isiginnaartitsisarfiani pisortaq Vivi Sørensen.
Isumaqatigiissutigineqartup imarisaa eqqartunngikkaluarlugu, kisianni Katuap Nunatta Isiginnaartitsisarfia ukiorpassuarni suleqatigisareernikuuaa tamannalu attatiinnarusullugu isumaqatigiissut nutaaq tulluarsaavigeqatigiinnertalik Tallimanngormat 14. marts 2025 atsiorneqarpoq.
”Katuaminngaanniit isumaqatigiissuterput nuannaarutigaarput, siornatigut suleqatigiilluartarnikuuvugut kisianni massakkut immitsinnut naaperiarnerulluta periarfissallu amerlanerit ammaannerorusullugit atsioqatigiippugut,” taama oqarpoq Katuami pisortaq Ivaaq Kriegel.
Pilersaarutit anguniagassallu piffissami aggersumi aammalumi ungasinnerusumi takkuttussat Katuap qilanaarai, suleqatigiinnerlu annertunerulertussaq atsioqatigiissutigineqartoq nuannaarutigalugu.
