Katuaq Nunatta (Inuisa) Qiteqatigiittarfiallu – NuQi tallimanngornermi maajip qulingiluaani 2025 Kalaallit Nunaanni qitittarnermi kivitseqataanermut tapersiisussamik suleqatigiinnermut ukiuni pingasuni atuuttussamik atsioqatigiipput. NuQi-mut isumaqatigiissut Katuamii aaqqissuussani assigiinngitsuni ammanersumik peqataasinnaanngussaaq – peqataasutut aaqqissuusseqataasutulluunniit.
”NuQi-p Katuaq suleqatigalugu Nuummi Kalaallit Nunaannilumi qitinnermik kivitseqataasinnaaneq nuannaarutigalugulu tulluusimaarutigaa. Suleqatigiinnissamut isumaqatigiissutigisarput inuuniutigalugu qitittartunut, meeqqanut kiisalu inuusuttunut iluaqutitaqassaaq,” NuQi-mi ineriartortitsinermi pisortaq, Ruth Ann Montgomery-Andersen oqarpoq.
NuQi-p Nuummi qitinnermi suliniutai annertuut aaqqissuussallu aqqutigalugit inunnit ornigarluarneqartarnera Katuap ilisimaarilluarpaa. Taamaattumik piorsarsimassutsip illorsuata qitinnermut periarfissanik amerlanerusunik pilersitseqataarusulluni, attaveqatigiinnermullu nukittorsaaqataanissaminut qilanaarpoq.
“Nuannerpoq, Katuap NuQi-llu suleqatigiinnissamut isumaqatigiissusiornerat, tassani qitinnerup silarsuaani siuarsaaqataanissaq pingaaruteqarami. Katuami aamma pingaarami eqqumiitsulioriaatsit assigiinngitsut illorsuarmi ingerlanneqartarnissaat,” taama oqarpoq Katuami pisortaq Ivaaq Kriegel.