Kimmernaq

Kimmernaq Kjeldsen
Isiginnaartitsisartoq / erinarsortartoq / kreativ produceri

Kimmernaq Kjeldsen (1980) Nuummi najugaqarpoq Aasianni inunngorpoq, angajoqqaanilu, anaanaa kalaaleq Dorthe, ataatalu danskiusoq Jens Kjeldsen peqatigalugit peroriartorluni. Kimmernap inuusuttuulluni paasivaa erinarsorsinnaalluni. Erinarsorneq sukisaarsaatigilerpaa, 2006-imilu timmisartumi saqisuunermi saniatigut nuuteeqqamik saqqummersitsilluni. Taamanili nuuteeqqanik sisamanik saqqummersitsisimavoq, taakkunanilu nuuteeqqat marluk guldtinnannikuullutik. Kimmernaq erinarsortartutut nunatsinni ilisimaneqaleriartuinnarsimavoq.

Erinarsortarnermigut isiginnaartitsinermut soqutiginninnera allivoq, 2013-imilu aalajangerpoq erinarsortartutut, isiginnaartitsisartutullu inuuniuteqalerniarluni. 2014-imi Nunatta Isiginnaartitsisarfiata ilinniarfianut qinnuteqarpoq, 2016-imilu isiginnaartitsisartutut naammassilluni.

Isiginnaartitsisartuunermigut Kimmernaq filmit TV-lu pillugit suliaqarfiusunut ilannguppoq – isiginnaartitsisutut, aqutsisutut, aqutsisoqarfimmi tullersortitut, kreativ producentitut, 1. AD-itut, sumiiffissarsiorlunilu kiisalu TV-mi toqqaannartumik aallakaatitassiani aqutsisutut.

Qooqqut festival 2025-mi Kimmernaq nipilersoqatailu tusarnaariakkit!