Kittat – Nuummi Mersortarfik kalaallisuuliornermik ileqqutoqqatigullu sanaluttariaatsinik allanngutsaaliuinermik suliaqarpoq.
Kittat sulisui pingasut, Nadia, Aviaq Johannelu, Qooqqut Festivalimi peqataassapput, tassanilu kalaallit sanaaluttariaasiinik assigiinngitsunik tunngaveqarlutik workshopertitsissallutik. Sulisarnerminni periutsit ileqquusut kalaallisuunut attuumassuteqartut paarilluarneqarnissaat, ingerlateqqinneqarnissaat ilisimasanillu avitseqatigiittarnissaq pingaartitaraat.
Workshopimi avittat misilissinnaavat, tassa amminik avinniliorneq ileqquusoq tassanilu peqataasut ilaatigut talequtiliorniapput, kiisalu allapalaat, mersoriaaseq kalaallisuunut atorneqartartoq.
Workshopertitsinermi Kittat sulisuisa atortussat, periaatsit sanaluttariaatsillu tunuliaqutaat piorsarsimassutsimut attuumassuteqartut saqqummiutissavaat peqataasullu ingerlanerani ilitsersuutissallugit.
Peqataaniaraanni siornatigut misilittagaqareernissaq piumasaqaataanngilaq, taamaammat aallarterlaanut naleqqulluarpoq.
Festivaleqarnerani Johanne Nadialu aamma kalaallisuussapput.
