ARNAJARAQ - Isiginnaartitsissusiaq

Arnajaraq pillugu:

Arnajaraq tassaavoq ilaqutariinnut isiginnaagassiaq nuannersoq. Isiginnaartitsinermi titartakkat aalasuliat, erinarsuutit qitinnerlu atugarineqarlutik.
Isiginnaagassiaq 1948-mi Frederik Nielsenimit allanneqarnikuuvoq, maannalu nutarsarlugu isiginnaartitsissutigineqarpoq.

Oqaluttuap imaa: Arnajaraq arnarsiaminit anisitaavoq, pinngortitamilu angalaarluni paasivaa uumasut paaringaanni – kingusinnerusukkullu Inuarullikkat naapippai (kalaallit oqaluttuatoqaanneersut), taakkualu inuunera allanngortiterujussuarpaat.

Isiginnaagassiaq isiginnaartut peqataatinnerannik ilaqarpoq, taamaalillutik isiginnaartut isiginnaagassiap qanoq naanissaanik sunniuteqaqataasinnaallutik.

 

• Isiginnaartitsisoq: Malu Lynge

• Ilitsersuisoq: Vivi Sørensen

• Titartakkanik titartaasoq: Christian Fleischer Rex

• Ukiut: 4+

• Oqaatsit atorneqartut: Kalaallisut