FRITT FALL
Frítt fall siullermeerlutik nipilersorput Vetrarjazz 2024-mi, ukiumoortumik nalliuttorsiornermi Savalimmiut illoqarfiisa pingaarnersaanni Tórshavnimi ingerlanneqartartumi. Nipilersoqatigiit pingasut Kresten Osgood-mik, Danmarkimi jazzertartuni tusaamaneqarluartumik tumerparpaallaqqissumik, tusaamasarpassuit suleqatigisimasaanik, ilagalugit Roscoe Mitchell, Sam Rivers, Derek Bailey kiisalu Peter Brötzmann; Bárður Reinert Poulsen, Savalimmiormioq bassertartoq, nunarsuaq tamakkerlugu angalasimasoq soorlu peqatigalugit: Espen Berg Trio, Wako, Flukten allallu; kiisalu Kristian Blak, pattattartoq Savalimmiut nipilersornikkut oqaluttuarisaanerannut pingaarutilimmik tapersiisimasoq.
Ukioq manna siullermeerlutik saqqummersitaraat "Deus Ex Machina" tassanilu nipilersukkat asseqanngitsut arfineq-pingasut, tusarnaartumik immikkuullarissumik misigititsisinnaasut, ilai soorlu qaamarpaluttut allallu taarnerorpaluttut. Nipilersortartut pingasut nipilersoqatigiinnerminni, tamarmik immikkut immikkooruteqartumik nipilersoriaaseqarput, nunani avannarlerni pinngortitamik assilissatulli tusarnaarnerani takorluuisitsillutik pilersitsisinnaasut.
Nipilersorneq ilaatigut quianartumik sammiveqartarpoq. Frítt fall Kalaallit Nunaanni ukiaanerani 2026-mi appilerpata, pulaartunik marlunnik nipilersoqateqassapput.
Mike Thomsen (GL) siornatigut nipilersoqatigiit peqatigalugit Savalimmiuni nipilersortareernikuuvoq. Erinarsorneq qilaatersornerlu nipilersornermut akulerussuuttarpai, tusarnaartorlu silarsuarmut allamut nassarlugu. Maria Faust Estlandimeersoq saxofonertartuuvoq. Faust erinniortuuvoq saxofonertartuullunilu nersorniarneqartareersoq, nunarsuaq tamakkerlugu tusaamaneqartoq.
Pisigit
