Gavekorti Paasissutissat

JJ Paulo

JJ Paulo qallunaat nipilersortartut silarsuaanni aallaamanerpaatut aammalu nutaaliortut ilaattut ilisimaneqaleriartorpoq. Qallunaat nunaanni najugaqarpoq Tanzaniameersunik siuaasaqarluni, nipilersoriaatsimik immikkuullarissumik pop-erpalaartumik taavalu Afrobeat-imik ilallugu qitikkuminartumik nipilersoriaaseqarpoq.

 

Ukioq 2023-imi Danish Music Awards-imi Årets Koncertoplevelsemik nersornaaserneqarpoq, tamatumalu kingorna Europami Afrikamilu untritilinnik amerlanerusunik tusarnaartitsivoq – taakkunani festivalit makkuusut Roskilde, Eurosonic aamma Europavox qulequtaaffigalugit. Ukiorlu 2026-imi Den Unge Kunstneriske Elite-mut nersornaatigineqartartoq Statens Kunstfondimit pissarsiaralugu.

 

 Tusarnaartitseriaaseq aallaamanartoq, nunarsuarmilu tusarnaartitsineq ingerlalluartoq ukiumilu 2027-imi nuuteeraq saqqummertussaq tunuliaqutaralugit JJ Paulo Skandinaviami Afrobeat-ini nipilersortartuni nuimanerpaat ilagaat – aammattaaq eqqumiitsuliortoq piorsarsimassutsinik arlaqartunit nipilersorneq aqqutigalugu aqqutissiusoq.

Juurini

Juurini tassa Inuk nipilersortarnermini Inuktitut oqaatsit ullutsinnut tulluartut uummaarissumik atuisartoq, Nunavimmi Kuujjuaq-meersoq. Kulturip sorlai aallaavigalugit saaffiginnilluni kulturip nutaanngornera, kinaassutsimik naqissusiineq kiisalu eqqumiitsulioriaatsit assigiinngitsut atorlugit, inuppalaartumik ullutsinnullu naleqquttunik  saqqummiisarpoq.  

 

Naggueqatigiit Inuit ileqqutoqaat ullutsinni nipilersugassioriaatsinik akoorlugit sanasarpoq, isiginnaartitsivinnilu pikkunartumik saqqummertarnini pissutigalugu, avannaani illoqarfiit arlaqaqisut nipilersorfigisareerpai kiisalu Quebec-imi Canada-milu tusarnaartitsisarfinni annerni tusarnaartitsisareerluni.

 

Ukiut arlaqanngitsut ingerlaneranni Juurini Inuit nipilersoriaasaannik nipilersortartut akornanni pikkorinnerpaatut inissinnikuulluni.

 

  • Pingasoriarluni ADISQ Gala-mi nersornaasigassatut piukkunneqarnikuuvoq (2024)
  • Aqqutinni ADISQ Gala-mi – Nunap Inoqqaavisa Oqaasii atorlugit Saqqummiussat akornanni nersornaasigassatut piukkunneqarnikuuvoq
  • Aqqutinni Canadian Folk Music Awards-imik nersornaasigassatut piukkunneqarnikuuvoq – Ukioq manna Ullutsinnut Naleqquttunik Saqqummiussat akornanni
  • Elisapie aamma Ingrid St-Pierre peqatigalugit Grand Solstice 2025-imi alikkusersueqataapput
  • KWE-mi peqataanikuuvoq! À la rencontre des peuples autochtones – Serge Fiori-mut ataqqinnissut
  • Beatrice Deer suleqatiginikuuaa (erinarsuut “Qaumajur”)
  • Putumayo World Music aqqutigalugu nunani tamani saqqummersitsinikuuvoq (“Qaumajur” kiisalu “Surusik Iliarjuk”)
  • Sacred Wolf Singers ilaasortaaffigai (taakkua Canadian Folk Music Awards-imi kiisalu the East Coast Music Awards-imi nersornaasigassatut piukkunenqarnikuupput)
Pisussat tullii
Misigisassat
Misigisassat