Cheikhou Diarra, nunani kiisalu ileqqoq malillugu qitittariaasertik tumerparpaariaasertillu pillugit oqaluttuartoq naapiuk. Qitittartoq pisussamik aaqqissuussisorlu Marie Navara Biisgård - affarmik kalaaliusoq senegalermiut tumerparpaaq atorlugu qitittariaasiannit sunnertilluni siuliminut soqutiginninnerulersimasoq – peqatigalugu nuannersumik takutitsissapput oqaloqatiginninnissamullu qaaqqusillutik.
Takutitsereernerup kingorna oqallinnermi senegalermiut kalaallillu qilaatersoriaasiat, piorsarsimassusiaq kinaassusaallu ukkatarineqassapput. Tassani kalaallit ileqqoq malillugu qilaatersoriaasiannik ilisimasalik peqataassaaq. Qanoq ilillutik kulturit marluusut nunaminnik ungaseqisut qilaatersornermi assigiissuseqarsinnaappat? Ileqqut oqaluttuallu ullutsinni inuiaqatigiinni qanoq isumaqarpat?
Aaqqissuussaq naammassereerpat illit nammineerlutit workshopertitsisoqarnerani senegalermiut qilaatersuutaat misilittarsinnaavat, kikkunnut tamamut ammasumik – misilittagaqassuseq apeqqutaanani. Misileraanermi nuannisaqataajumaarput.
Aaqqissussaq kikkunnut tamanut ammavoq, kulturinut nunavinnilu immikkoortuni ataatsimooqatigiinnissaq siunertarineqarluni.
