Europami qarlortaatini nuimasut ilaat tallimaasut tusarnaartitsilerpata tusarnaariakkit

Tusarnaartitsineq assigiinngitsunik imaqarpoq, soorlu makkuusut: Thorvald Hansen, Carl Nielsen, John Dowland, Frederic Devreese, Vivaldi, Malcolm Arnold – kiisalu The Beatles suliaannik tusarnaartitsissapput!

2017-imi Reinhold Friedrich Brass Q uintet qarlortartartumit ilisimaneqarluartumit professor Reinholdimit pilersinneqarpoq. Aallartinneraniillu Europami qarlortartartut pitsaanerit tallimat katersorneqarsimapput, tallimaasartullu ukuupput; Prof. Reinhold Friedrich (solotrompet, Lucerne Festival Orchestra), Prof. Jeroen Berwaerts (siusinnerusukkut solotrompet, NDR Symfoniorkester), Lasse Mauritzen (1. solohorn, DR Symfoniorkestret), Prof. Ian Bousfield (siusinnerusukkut solotrombone, Wienerfilharmonikerne og London Symphony Orchestra) kiisalu Thomas Røisland (solotuba, DR Symfoniorkestret).

Qarlortarnermi tallimaasartutut eqqumiitsulioriaasermi pitsaanerpaaq ataatsimoorlutik angorusuttuaannarpaat.
Tallimaasartuni ilaasortat tamarmik immikkut nunat assigiinngitsut akornanni nersornaatinik assigiinngitsorpassuarnik kiisalu legatinik peqarput. Nuuteeraq saqqummerseqqaataat “Unity”-imut atatillugu tusarnaartitsillutik 2022-imi angalaarnerminni Japanimi isissutissat tamakkerneqarsimapput. Europap nipilersornermi festivaliini tusarnaartitsinermi aaqqissuussani masterclassinilu assigiinngitsuni “Galicia Brass” Spaniamiittumi aammalu “Limoux Brass Festival” Frankrigimiittumi 2023 2024-milu peqataasarsimapput.

Iserneq akeqanngilaq