SIRIUS – OQALUTTUAQ ILUNGERSUNARTOQ
“Sirius” pillugu piviusulersaarusiortartup oqalugiarnera immikkuullarissoq tusarnaariaruk.
Qallunaatut oqalussaaq - Kalallisuunnut oqalutseqassaaq
Pisigit
Misigisassarsiorluni assiliisartup ilitsersuisartullu lasse Rahbek Siriusimi inuttaavoq ukiunilu pingasuni piviusoq tiguartinnartoq sakkortoorlu piviusulersaarusiarisimavaa.
32-nik issittumi qeruttuinnanngorfiusumi qanoq ippa filmiliorluni? Qamutit ingiallorlugit arpaatinik sisoraartersorneq qanoq ippa aammalu tupermi sinittarneq qanoq misigisimanarpa? Assiliissut piareersimatittuarlugu allat massa qasusut imaluunniit ilungersortut qanoq ippa?
DR 1-mi piviusulersaarut “Sirius” takutinneqaqqaarnerminiit piffissap sivikitsuinnaap ingerlanerani 1 millioneriarluni isiginnaarneqarsimavoq aatsaallu aallakaatitassiamik taama ittumik isiginnaarneqartigisumik takusoqarluni.
Oqaluginarnermi ilisimasaminik oqaluttuassaaq aammalu pissutsit ilungersunartut atortillugit filmiliortarneq qanoq innersoq oqaluttuarissallugu ilanngullugulu assiliiviup illuatungaaniit misigisat tupinnarsinnaasut pillugit ilanngussaqassalluni amerlasuutigut atugassat sakkortulluinnartut ilungersunartullu peqataaffiginiarneri salliusuartussaatillugit isigisanik oqaluttuassalluni.
Oqalugiarnermini assit filimiliallu takutissavai aammalu apeqqarissaartoqarsinnaassaaq.
Lasse Rahbek aamma TV-kkut aallakaatitassiat nuannarineqarluartut ‘Den Sidste Breddegrad’, ‘Nul Stjerner ’aammalu 'Jagten på den Skjulte By’ suliarisimavai.
