Kulturip Illorsuata Katuap siulersuisuisa ukioq manna aappassaa ataatsimiinnerminni ukiumut 2017-imut naatsorsuutit akuerivaat 155 t.kr.-nik sinneqartooruteqarfiusut.
Missingersuutigineqarsimagaluarpoq 800 t.kr.nik amigartooruteqarnissaq. Siulersuisut sinneqartooruteqarneq naammagisimaarluinnarpaat, sinneqartooruteqarneq anguneqarsimasoq, naak siorna nalliuttorsiornerup ukiorisimaraluagaa assigiinngitsunik kusarnartunik aaqqissuussaqarfiusimasoq.
Sinneqartoorutit anguneqarsimapput peqqutiginerpaallugu naatsorsuutinik ingerlaavartumik nakkutiginnilluarsimaneq aammali immikkoortortaqarfinni tamangajanni – minnerunngitsumik Cafetuami – sinneqartooruteqarsimanerit peqqutigalugit.
Katuarlu 2018-imi pilersaarutiminik aallartitsilluarsimavoq, maannamullu periuseriniakkat nutaat ilaat ingerlanneqareersimallutik. Assersuutigalugulu nutaatut Cafetuami appisimaartitsisarnerit, Inuit ileqqui aallaavigalugit piorsarsimassutsikkut aaqqissuussat, qititsinerit aammalu nunatsinni qulequttat aallaavigalugit oqalugiartitsisarnerit tikilluaqqulluarneqarsimapput.
Piginnittut, aningasaliisartut minnerunngitsumillu Katuami sulisorisagut 2017-imi tunniussilluarsimanerannik sulilluarsimanerannillu annertuumik qutsavigaagut.
Annertunerusunik pasisaqarumagussi saaffigisiuk:
Anna Heilmann
Katuami siulersuisunut siulittaasoq
Email: anh@knr.gl
Mobil: 555145