Gavekorti Paasissutissat

Sammisassami uani meeqqat inuusuttullu aalisakkanik piareersaanermik nunatsinnilu nerisassiornerup tungaatigut ileqqunik paasisaqarlutillu misileraanissamut qaaqquneqarput.

 

Qooqquni aalisakkat pisat nutaat tunngavigalugit, immap pissarsiarititai tamaasa ataatsimoorluta misissuataassavagut.

 

Ullaakkut aallartissaagut suliaqarluta, tassani peqataasut aalisakkat namminneq assamminnik passutissavaat. Aalisakkat eqqortumik tisanissaannut piareersarnissaannullu ileqqutoqqat ilinniassavaat, aalisagaq panertuliassatut qanoq piareersarneqassanersoq, kussartsitassanngorlugu tisallugu imaluunniit nerpiinnanngorlugu filet-nngorlugit suliarineqarsinnaavoq.

Nerisassiornerinnarli kisimi siunertarineqanngilaq, aammali uumassusilerisutut misissuisoqassamaarpoq. Aalisakkat igamut kuisassanngorlugilluunniit piareerneqartinnagit, qaninnerusumik misissussavagut.

Saarulliup aqajaruani sunik nerisaqarsimanersoq, isaata ilua qanoq innersoq, masiisa qanoq atuuffeqarnerat erlaaviilu sunik imaqarnersut misissussornerini tupinnartumik misigisaqassaagut.

 

Aalisakkanik misissuereernerup kingorna igat ikumaartitallu aallartissavagut.
Igariaatsit assigiinngitsut misileraaffigissavagut, peqataasullu ilinniassavaat killunni igariarluni kuisaliorneq.

 

Innaallagissamut atatillugu igariaatsit pinnagit, ikumaartsitakkut iganeq misilerassavarput, qanorlu nunap pissarititaanik nerisassiornermi atuisinnaanersugut misissuiffigissallugu.

 

Paasissutissaq: Sammisat tamarmik ilaasunit tamanit peqataaffigineqarlutillu akuuffigineqarsinnaapput.

Qooqqut Festival makkunannga tapiiffigineqarpoq