Nerisassiat illup iluani silamilu INUILI-mi ilinniartut workshopertunit igasunilu misilittagaqarluartunit nunanit avannarlerneersunit pingasunit ilitsersuutigineqarlutik suliarineqarumaarput.
Igasut pingasut misilittagaqarluartut tassaapput Savalimmiormiu Gutti Winther, nunatsinneersoq Inunnguaq Hegelund aamma Ålandimeersoq Viktor Eriksson.
Nunat Avannarliit Ulluat ukiut tamaasa marsip 23-anni nalliussineqartarpoq, nunarsuarmi nunat immikkoortuini politikkimut tunngatillugu suleqatigiinnerit pisoqaanersaraat - Kalaallit Nunaata, Finlandip, Islandip, Norgep, Sverigep, Savalimmiut, Danmarkip Ålandillu suleqatigiinnerat - malunnartinniarlugu.
Pilersaarut:
Marsip 23-at: Katuami nersissanik sassaalliineq – tamanut ammassaaq nal. 16.00 – 18.00
NAPA aamma New Arctic Kitchen Katuaq, Royal Greenland, Neqi A/S, Kommuneqarfik Sermersooq aamma INUILI suleqatigalugit aaqqissuussisutut pingaarnertut akisussaapput.
Aaqqissuussinermut aningaasaliisoq: Tips- og Lottofonden
