Ukiumi tusarnaartitsineq kingulleq

Nipilersoqatigiit Qarsoq 1980-imi pilersinneqarpoq, taamani saqqummeqqaarmata aviisiliortup John Jakobsen-ip aviisini allaaserigamigit Damgaard Band-imik atserlugit allaaserai.

Saqqummeqqaaramik Albrecth Damgaard aamma Hans B. Noahsen erinnanik taallanillu ilusilersuillutillu sanaartortuupput. Aallaqqaammut pilersaarutaavallaarsimanngikkaluarpoq pilersitanik saqqummersitsinissaq, taamaakkaluartoq 1983-imi MC kassette-ikkut Qimappagit saqqummiunneqarpoq tassani ateq Qarsoq atsiunneqarsimalluni. Maannamullu saqqummersitat arfineq marluusut saqqummiunneqarsimapput taakkunanilu katillugit 25.000 sinneqartut pisiarineqarsimallutik. (Ipod, CD-iillu kopeerneqarsimasut allallu eqqaaneqanngillat)

Tulleertut:

Nathan Kreutzmann, Pilu Noahsen Geisler kiisalu Tupaarnaq Ingemann Mathiassen