Tapiisarneq ingerlateqqinneqarpoq: GrønlandsBANKEN aamma Katuaq isumaqatigiissutertik sivitsorpaat

Tapiisarneq ingerlateqqinneqarpoq: GrønlandsBANKEN aamma Katuaq isumaqatigiissutertik sivitsorpaat.

GrønlandsBANKEN Kalaallit Nunaanni eqqumiitsuliornermik kulturimillu ineriartortitsinermut taperseeqataavoq.

Taamaattumik GrønlandsBANKEN aamma Katuaq ukiuni aggersuni pingasuni atuuttussamik tapiisarnissaminnut isumaqatigiissummik sivitsuipput.

Suleqatigiinnikkut GrønlandsBANKEN-ip Katuaq aningaasaqarnikkut tapersersorpaa, tamannalu Kalaallit Nunaanni eqqumiitsuliornerup kulturillu ineriartortinneqarneranut nukittorsaataassalluni.

-Nuannaarutigeqaarput GrønlandsBANKEN-ip Katuamut tapiisarnini ingerlatiinnarmagu, tamannalu nunatsinni eqqumiitsuliornermik kulturimillu ineriartortitsinermut tapersiivoq. GrønlandsBANKEN-ip tapersersuilluni tapiiuaannarnera nunatsinni kulturitta ineriartortinneqarneranut nukittorsarneqarneranullu pingaarutilerujussuuvoq.

-Ataatsimut isigalugu aningaasaliissutip Katuaq periarfississavaa eqqumiitsuliortunut kulturimillu suliaqartunut nunatsinni tamarmi aningaasatigut tapersiisinnaanissaminut periarfissat amerlanerusut pilersissallugit, Katuap pisortaa Ivaaq Kriegel oqarpoq.