Katuami misigisaq immikkuullarissoq

Katuami misigisamik tupinnartumik avitseqatigerusuppassi.

16. april 2026 Katuami inersuaaqqami Birte Olsen aaqqissuisoralugu, NunaFondtimit aningaasalerneqartumit “Taallanik atuaaneq”-mi Frederik 'Kunngi' Kristensenip taalliai Miké Thomsenimit aamma Vivi Sørensenimit kusanartumik attortinnartumillu atuarneqarput. Malitsigiinnarlugu Kunngip ernera angajulleq Uusaqqak Kristensen ataatami taalliaanik erinniaanik nuannersumik ilisarnartumillu atuivoq. Unnuk mikrofonimik ammasumik naggaserneqarluni.

Aaqqissuussaq naammassereersoq Katuami paasitinneqarpugut ulloq taannarpiaq ukiut qulit matuma siorna 2016-mi, Katuami Inersuaaqqami taallialerisoqarsimasoq taallugu “Taalliat Akunneri” aamma Frederik ‘Kunngi’ Kristensen taalliaminik saqqummeeqataaffigisaanik, tusarnaariallu taallanik nammineq saqqummiinissaannut aamma periarfissaqarsimallutik.

Taallanik ukiut qulit qaangiussimasumit atuaanerup ulloqataanik, sumiiffeqataani,  ataqqinartullu Frederik ‘Kunngi’ Kristensenip taalliaanik atuaasoqarnera tupinnarlunilu immikkuullarippoq, aaqqissuusisoqarfimmiit 2016-mi aaqqissuunneqarsimasoq arlaatigulluunniit ilisimannginnatsigu nalaatsornikkut pimmat tupannarluni tupigusunnarpoq.    

Atuaasunut, takkuttunut, Kunngip nulianut Kaalammut aaqqissuussamut akuersineranut aamma qujavugut. Qujanaq misigisaq nuannersumik avitseqatigisinnaagatsigit