Nipilersortartunut Katuami periarfissaq nutaaq

Maajip aallaqqaataa aallarnerfigalugu, nipilersortartut Katuap paarlersuani 2027-imi, tusarnaartitsinissamut qinnuteqarnissaminnut periarfissaqalissapput. Qinnuteqarfissaq Katuap nittartagaatigut ingerlanneqassaaq, qinnuteqarfissarlu aggustip 16-ata tungaanut ingerlassalluni.

Nipilersoriaatsit siammasissut ujartorpagut nipilersoqatigiiullutik inunnut amerlasuunut tusarnaartitsisinnaasut. Nunatsinneersut pingaarnertut ujartorpagut aamma naggueqatigut Canadami Alaskamilu najugallit. Soorunalumi nunarsuup ilaanneersut aamma qinnuteqarnissamut periarfissaqarlutik.

Erseqqissaassutigissavarput qinnuteqartuni killigititaq qaangiuppat nipilersortartut nalilersorneqarumaarmata nipilersortussallu toqqarneqarumaarlutik. 

Qinnuteqartuni naatsorsuutigaarput ussassaarinissamut takussutissat paasissutissallu pitsaasut ilanngunneqarnissaat.

Katuap paarlersuani tusarnaartitsinerit tallimat imaluunniit arfinillit ukiumut ingerlanneqartarput.

Uani qinnuteqarit: https://katuaq.gl/katuaq-pillugu/eqqumiitsuliortunut/open-call-paarlersuarmi-tusarnaartitsineq