Eqqumiitsuliornermik kultureqarnermillu meeqqanut inuusuttuaqqanullu sapaatip akunneranik Katuaq aamma Kommuneqarfik Sermersooq suleqatigiilerput.

Ukiuni tulliuttuni pingasuni Kommuneqarfik Sermersooq aamma Katuaq isumaqatigiissuteqarput meeqqanut inuusuttuaqqanullu eqqumiitsuliornermik kulturilerinermillu sapaatip akunneranik aaqqissuisalerniarlutik.

Ukioq manna sapaatip akunnera 43-mi siullerpaamik meeqqanut inuusuttuaqqanullu eqqumiitsuliornermik kulturilerinermillu sapaatip akunnerani malunnartitsisoqassaaq. Tassani sapaatip akunnerani meeqqat inuusuttuaqqallu assigiinngitsunik eqqumiitsuliornermi kulturilerinermilu misigisaqartinneqassapput.

Katuamiit aamma Kommuneqarfik Sermersuumiik nuannaarutigaarput meeqqanut inuusuttunullu eqqumiitsuliornermik kulturilerinermillu sapaatip akunneranik aaqqissuussisalerneq Katuaq aamma Kommuneqarfik Sermersooq isumaqatigiissutigineqarmat. "Kommuneqarfik Sermersuumiit nuannaarutigaarput Katuaq suliniummi pingaaruteqartumi suleqatigisinnaagatsigu, Kommuneqarfik Sermersuumiit isumaqartuarsimavugut meerartatta inuusuttuarartattalu piginnaasaat nalitoorujussuusut, taamaattumik suli saqqumilaartinnerusariaqarpagut naleqartinnerullugillu, aamma taakkuummata siunissaannut nukittorsaataasussaasut. Suleqatigiinnissatsinnut assut qilanaarpugut." Taama oqarpoq, Pipaluk Lynge Berthelsen, Kommuneqarfik Sermersuumi Sunngiffik Kulturimilu pisortaq. 

Qangali takorluukkat ineriartortikkusutat piviusunngortinnissaannut qilanaarpugut. Taavalu suliniut una aqqutigalugu eqqumiitsuliorneq kulturilu inuiaqatigiinni pingaaruteqarnerat annertusarniarlugu iliuuseqalerpugut.

Sapaatip akunneranik aaqqissuussisarnermi anguniagarput tassaavoq meeqqanik inuusuttuaqqanilu eqqummiitsuliorneq kultureqarnerlu naleqartinnerulerneqarnissaat, taanna Kommuneqarfik Sermersooq aamma Katuaq suleqatiillutik ingerlanneqassalluni. Kingorna ukiuni tulliuttuni Kalaallit Nunaanni tamakkerlugu siammarnissaanik suliniuteqarusulluta sinnattorivarput takorloorlugaralugulu.

Katuaminngaanniit nuannaarutigaarput Kommuneqarfik Sermersooq suleqatiginissaanut ukiunilu tullerni pingasuni siuarsaaqatigiinnissarput.

Sinnattoralutigulu siunissami Kalaallit Nunaat tamakkerlugu eqqumiitsuliorneq aamma kulturilerineq meeqqanut inuusuttuaqqanullu taamatut malunnartinneqartalernissaa. Tamannalu siunissami anguniarneqassasoq suleqatigiinnikkut takorloorlutigu, aaqqissuussineq eqqumiitsuliornerup kulturillu meeqqanit inuusuttuaqqaniillu malugineqarnerulernissaa neriuutigalugu

aammalu siuarsaaqataanissaq anguniarusukkatsigu.” oqarpoq Ivaaq Kriegel, Katuami pisortaq.