Katuaq Arctic Sounds 2026-mi

Ukioq 2026-mi Arctic Sounds Sisimiuni apriilip ulluisa 2.-6.-ani ingerlanneqarnerani Katuaq peqataavoq.

Arctic Sounds festivaliuvoq, peqataasut nunatsinnit aammalu nunanit tamalaanit nipilersortartut tusarnaartitsiartorfigisagaat, tamanullu ammasumik ilisimasanik avitseqatigiittarfiat. Arctic Soundsip festivalip saniatigut Arctic Sounds Academy ingerlataraat, arnat inuusuttullu teknikkikkut suliaqartut siuarsarlugit.

Katuamiit nuannaarutigigalugu Arctic Sounds Academy suleqatiginerasigut Katuami 8. marts 2026-mi tusarnaartitsineq ingerlanneqartoq Arnaq, arnaannarnik nipilersortoqarnera aamma teknikkereqarnera anguneqarpoq.

Piujuartitsineq siammarterilluarnerlu anersaaralugit ukiuni pingasuni kingullerni festivaleqarneranut atatillugu Nuummi appisimaartitsisarpugut. Ukioq mannalu 1. April Arctic Soundsimi appisimaartussat Sisimiuliarneranni Nuummi Juurini, Nunavimmeersoq aamma JJ Paulo Tanzaniameersoq Danmarkimi najugalik nuanningaartumik appisimaartinneqarlutik.

Arctic Sounds isumaqarluartumik suleqatigilluartarneranut qujaffigaarput.