Qitilluni isiginnaagassiaq Speech/less sineriammi takutinneqarnermini iluatsilluartoq

Nuannaarutigalugu Katuamit nalunaarutigisinnaavarput qitilluni isiginnaagassiaq ”Speech/less” AVIAJA Dancemit takutinneqartoq, Katuap Dansehallerne suleqatigalugu nunatsinni angalasimanerat iluatsilluartoq.

Piffissami oktoberip novemberillu ingerlanerani, Tips- og Lotto midlerne Pulje C aqqutigalugu aningaasalerneqarnikkut Katuap Dansehallerne suleqatigalugu qitilluni isiginnaagassiaq sumiiffinni ukunani takutinneqarpoq:

• Kulusuk
• Tasiilaq
• Nuuk
• Kapisillit
• Maniitsoq

Piffinnilu taakkunani qitittartut nipilersortartullu inuiaqatigiinnut ammasumik takutitsinerit meeqqallu atuarfiini pikkorissaanerit tigulluarneqartut ingerlappaat katillugit inunnit 460-init ornigarneqarluni.

Speech/less angalanerani suleqataasimasut qutsavigaagut pingaartumik AVIAJA Dance, Dansehallerne, Taseralik, Suialaa Arts Festival, Kommuneqarfik Sermersooq, Prinsesse Margrethes Børnehjem Tasiilaq, Kapisillit atuarfiat, Atuarfik Kilaaseeraq Maniitsoq allarpassuillu. 

Peqataasut isiginnaariartullu aamma tamassi qutsavigaassi. 

Isiginnaagassiami inuttaapput: 

• Sarah Aviaja Hammeken (qitimmik ilusilersuisoq, qitittartoq) 
• Alexander Montgommery-Andersen  (qitittartoq) 
• Mathilde Rosengren Bruun (erinarsortartoq, nipilersortoq)